Qońırat rayonında jaslar ushın "Ashıq esikler kúni" ótkerildi
2026-06-11 17:40:00 / Министрлик
Qońırat rayonında jaslar ushın "Ashıq esikler kúni" ótkerildi
Qońırat rayonında jaslar ushın "Ashıq esikler kúni" ótkerildi
Búgin Qońırat rayonı hákimliginde jaslar ushın "Ashıq esikler kúni" shólkemlestirildi.
Bul ilaj hár hápteniń piyshembi kúni mámleketimizde rásmiy túrde "Jaslar kúni" dep belgilengen kún sheńberinde ótkerilip, jaslar menen tikkeley sóylesiwdi jolǵa qoyıw hám olardıń mashqalaların sistemalı túrde úyreniwge xızmet etpekte.
Qabıllaw procesinde rayon hákimi tárepinen olardıń múrájatları, usınısları hám baslamaları tıńlandı. Jaslar ózlerin qızıqtırǵan máseleler boyınsha tikkeley múrájat etiw imkaniyatına iye boldı.
Ushırasıw dawamında jaslar Prezidentimiz tárepinen jaslarǵa jaratılıp atırǵan keń imkaniyatlar menen tanıstırılıp, olardıń bántligin támiyinlew máselelerine ayrıqsha itibar qaratıldı. Ayırım múrájatlar boyınsha ámeliy sheshimler islep shıǵılıp, jumıs penen támiyinlew boyınsha anıq ilajlar belgilendi.
"Ashıq esikler kúni" jaslar menen ashıq hám nátiyjeli sóylesiwdi bekkemlew, olardı jámiyet turmısına belsene tartıw hám bar mashqalalardı ornında sheshiwge xızmet etetuǵın zárúr platforma sıpatında áhmietke iye bolmaqta.