"KINOKARVAN" JOYBARÍ SHEŃBERINDE MÁDENIY ILAJ ÓTKERILDI
2026-06-12 10:50:00 / Министрлик
Qaraqalpaqstan Respublikası "Qaraqalpaqkino" agentligi tárepinen Qońırat rayonında "Kinokarvon" joybarı sheńberinde gezektegi mádeniy-aǵartıwshılıq ilajı shólkemlestirildi.
Ilaj Ózbekstan Respublikası Ministrler Keńesiniń "Aymaqlarda turizm infrastrukturasın jedel rawajlandırıw hám xızmetlerdiń sapasın arttırıw máseleleri haqqında"ǵı protokolınıń orınlanıwın támiyinlew, sonday-aq, Ǵárezsizligimizdiń 35 jıllıǵı múnásibeti menen "Bir Watan, bir xalıq bolıp, jańa turmıs hám keleshek quramız!" súreni astında ótkerildi.
Ilaj Qońırat rayonı Ruwxıylıq hám aǵartıwshılıq sarayında "Qaraqalpaqkino" agentligi, rayon hákimligi hám Ruwxıylıq hám aǵartıwshılıq orayınıń rayonlıq bólimi menen birgelikte shólkemlestirildi.
Ilaj dawamında:
belgili aktyorlar menen dóretiwshilik ushırasıwlar ótkerildi;
tamashagóyler ushın "Qarabay" komediyalıq filmi qoyıp berildi.
Kórsetilgen film qatnasıwshılarda jıllı tásir qaldırıp, olardıń mádeniy dem alıwı hám ruwxıy dem alıwı ushın xızmet etti.
"Kinokarvon" joybarı aymaqlarda xalıqtıń mádeniy turmısın bayıtıw, kino kórkem ónerine qızıǵıwshılıqtı arttırıw hám sapalı mádeniy xızmetlerdi keńeytiwge qaratılǵan.