Qaraqalpaqstan Respublikası Qońırat rayonı hákimligi

Qońırat rayonı Mádeniyat sarayında 7-basqısh "Hayal-qızlar dápteri"n júrgiziw, sistemadaǵı jańa ózgerisler hám tiykarǵı wazıypalarǵa arnalǵan seminar shólkemlestirildi.
 

Seminarǵa Ózbekstan Kásiplik awqamları Federaciyasınan biriktirilgen wákil M.Qudratillayev, Ózbekstan Kásiplik awqamları Federaciyası baslıǵınıń orınbasarı, Qaraqalpaqstan Kásiplik awqamları Keńesiniń baslıǵı, Qaraqalpaqstan Respublikası boyınsha "Hayal-qızlar dápteri" shtabınıń baslıǵı U.Jalmenov, rayon hákiminiń birinshi orınbasarı J.Kurbaniyazov, rayon hákimliginiń Shańaraq hám hayal-qızlar bóliminiń baslıǵı J.Ametova hám rayon aymaǵındaǵı tiyisli mákeme hám shólkemlerdiń wákilleri qatnastı.

Seminarda jańa tártip boyınsha reje sheńberinde úsh tiykarǵı baǵdar - bántlik, isbilermenlik hám kompleksli járdem túrleri boyınsha túsinikler berildi.

Seminar dawamında "Hayal-qızlar dápteri"ne kirgizilgen hayal-qızlardıń mashqalalarınan kelip shıǵıp, olardıń hár birine mánzilli járdem kórsetiw boyınsha anıq wazıypa hám tapsırmalar belgilep alındı.

Qońırat rayonı hákimligi málimleme xızmeti