"Salamat denede - sapalı medicina" súreni astında sport jarısları ótkerildi
2026-04-14 19:50:00 / Министрлик
Bes baslama olimpiadası sheńberinde Qońırat rayonı medicina birlespesi xızmetkerleri arasında
"Salamat denede - sapalı medicina" súreni
astında Kásiplik awqamı Federaciyası kubogi sport jarıslarınıń 1-basqıshı joqarı dárejede shólkemlestirildi.
Bul ilajda sporttıń voleybol, mini-futbol, stol tennisi, shaxmat hám shashka túrleri boyınsha qızǵın bellesiwler bolıp ótti. Jarıslar dawamında qatnasıwshılar ózleriniń fizikalıq tayarlıǵın, shaqqanlıǵın hám jámáátlik awızbirshiligin kórsetti.
Kóterińki ruwxta hám salamat báseki ortalıǵında ótken sport jarıslarınıń juwmaǵında jeńimpaz hám sıylı orın iyeleri anıqlanıp, olar shólkemlestiriwshiler tárepinen múnásip sıylıqlandı.
Bul sport ilajı xızmetkerler arasında salamat turmıs tárizin úgit-násiyatlaw, jámáátte doslıq hám awızbirshilikti bekkemlewge xızmet etti.