Kóp qabatlı turaq jay obyektlerinde úyreniw jumısları alıp barıldı
2026-04-10 15:10:00 / Министрлик
Xalıq deputatları Qońırat rayonlıq Keńesiniń baslıǵı M.Matmuratova tárepinen úyreniw jumısları alıp barıldı.
Búgin Xalıq deputatları Qońırat rayonlıq Keńesiniń baslıǵı M.Matmuratova tárepinen Qońırat rayonı "Temirjol" MPJda qurılıp atırǵan kóp qabatlı turaq jay obyektlerinde úyreniw jumısları ámelge asırıldı.
Úyreniw procesinde qurılıs jumıslarınıń sapası, belgilengen múddetlerge ámel etiliwi, sonday-aq, puqaralar ushın jaratılıp atırǵan sharayatlar hár tárepleme kózden ótkerildi. Qurılıs maydanlarında jumıstı bólip alıp islewshi shólkemlerdiń wákilleri menen sáwbet ótkerilip, bar mashqalalar hám olardı saplastırıw boyınsha zárúr usınıslar berildi.
Sonday-aq, xalıq ushın qolaylı hám zamanagóy infrastruktura jaratıw, turaq jaylardıń sapalı hám óz waqtında tapsırılıwın támiyinlew máseleleri ayrıqsha itibar orayında boldı.
Úyreniwler dawam etpekte hám bul baǵdardaǵı jumıslar turaqlı qadaǵalawda boladı.