DAǴAZA! Farmacevtika ónimlerin islep shıǵarıw tarawında jumıs alıp barıwdı qálewshi isbilermenler hám puqaralar dıqqatına!
2026-04-07 10:15:00 / Министрлик
DAǴAZA!
Farmacevtika ónimlerin islep shıǵarıw tarawında jumıs alıp barıwdı qálewshi isbilermenler hám puqaralar dıqqatına!
Qaraqalpaqstan Respublikasında zamanagóy farmacevtika sanaatında islep shıǵarıwdı jolǵa qoyıw hám rawajlandırıw maqsetinde tómendegi baǵdarlar boyınsha biznes joybarlarıńızdı ámelge asırıń:
Dárilik zatlar (tabletkalar, kapsulalar, ampulalar, siroplar);
• Vakcinalar hám sivorotkalar (serumlar);
• Antibiotikler hám vitaminler;
• Biologiyalıq aktiv qosımshalar;
• Kosmetika hám gigiyena ónimleri;
• Medicinalıq materiallar (sterillengen bint, paxta, siyle) islep shıǵarıw.
Qaraqalpaqstan Respublikasında farmacevtika tarawın rawajlandırıw ushın tómendegi imkaniyat, preferenciya hám jeńillikler bar:
• 2025-2027-jıllarda Nókis qalasında 500 mıń AQSh dolları, Ámiwdárya, Nókis, Qońırat hám Xojeli rayonlarında 300 mıń AQSh dolları, basqa rayonlarda 100 mıń AQSh dolları muǵdarındaǵı iri investiciyalıq joybarlar ushın tikkeley jer maydanları ajıratıladı;
• joybarlar ushın 7 jıl múddetke jıllıq 14 procentten kreditler ajıratıladı;
• Bankler balansındaǵı múlklerdi 10 jıl dawamında procentsız bólip tólew shárti menen baslanǵısh tólemsiz satıp aladı;
• dári ónimlerin islep shıǵarıwshılarǵa EU GMP, US FDA GMP rásmiy sertifikatların engiziw ushın qárejetlerdiń 50 procenti qaplap beriledi;
• farmacevtika ónimlerin islep shıǵarıw, dárilik ósimlik jetistiriw hám qayta islew baǵdarındaǵı joybarlar 3 jıl múddetke jer salıǵı hám joybar iske qosılǵanınan baslap 3 jıl dawamında payda hám múlk salıqların tólewden azat etiledi;
Qaraqalpaqstan Respublikası aymaǵındaǵı investiciyalıq joybarlarǵa "Nókis" erkin ekonomikalıq zonasınıń qatnasıwshısı statusı beriledi.
Barlıq qızıqqan isbilermenler hám puqaralardı birge islesiwge mirát etemiz!
Múrájat ushın:
Qaraqalpaqstan Respublikası Densawlıqtı saqlaw ministrligi
Tel.: (+99871) 226-00-48. Nókis qalası, I.Karimov kóshesi 152 jay
Oraylıq banktiń Qaraqalpaqstan Respublikası bas basqarması
TELEFON: (+99871) 224-03-12. Nókis qalası, Qaraqalpaqstan kóshesi 18 jay EQQK departamentiniń Qaraqalpaqstan Respublikası basqarması
Tel: (8-371) 223-10-07. Nókis qalası, Ózbekstan gúzarı 64-jay.
"Asakabank" Qaraqalpaqstan Respublikası filialı
Telefon: 78-147-65-65 (3022). Nókis qalası, Qaraqalpaqstan kóshesi 2 jay
Elektron pochta: resqqfarmsanoat@mail.ru
Telegramm: t.me/ResQQFarmSanoat_bot
Farmacevtika tarawında óz biznesińizdi baslaw ushın qolaylı imkaniyatlardı qoldan jibermeń!