Qaraqalpaqstan Respublikası Qońırat rayonı hákimligi

Ózbekstan Respublikası Prezidentiniń 2021-jıl 7-maydaǵı "Avtomobil transportında jolawshılardı tasıw jumısın tártipke salıwdı bunnan bılay da jetilistiriw ilajları haqqında"ǵı 5108-sanlı qararı qabıl etildi. Oǵan bola:

jolawshılardı aydawshıdan tısqarı tórt orınlıqtan kóp bolmaǵan jeńil avtotransport qurallarında tasıw jumısı jeke tártiptegi isbilermenlik jumısı túrine kirgiziledi. Jeke tártiptegi isbilermenler tárepinen jeńil avtotransportlarda jolawshılardı tasıw jumısı licenziya tiykarında ámelge asırıladı;
licenziya 21 jasqa tolǵan hám arza beriw waqtında basqarıwında 10 jıldan artıq bolmaǵan múddet paydalanılǵan avtomobili bolǵan jeke tártiptegi isbilermenlerge "Licenziya" málimleme sisteması arqalı beriledi;

avtomobilde jolawshılardı tasıw menen shuǵıllanıwshı jeke tártiptegi isbilermenler "Akkreditaciya orayı" MUKta akkreditaciyadan ótken texnikalıq xızmet kórsetiw stanciyalarında hár 6 ayda keminde bir márte transport quralın texnikalıq kórikten ótkeriwi shárt. Sonday-aq, olar licenziyaǵa ie kárxanalarda hám jolawshı tasıwshılarǵa qarıydar tabıw boyınsha interaktiv xızmetler kórsetiwshi isbilermenler (agregatorlar) tárepinen shólkemlestirilgen arnawlı tekseriw punktlerinde aylıq medicinalıq tekseriwden ótiwi kerek;
2021-jıl 1-sentyabrge shekem jeke tártiptegi tasıwshılardı mámleketlik dizimnen ótkeriw ushın mámleketlik bajı óndirilmeydi. Jeke tártiptegi tasıwshılarǵa licenziya beriw ushın bolsa mámleketlik bajı jılına bazalıq esaplaw muǵdarınıń bir bólegi muǵdarında óndiriledi. Onda mámleketlik xızmetler kórsetilgeni ushın jıyım óndirilmeydi.

Jeke tártiptegi tasıwshılar 3 tonnaǵa shekem júk kóteriw imkaniyatına ie bolǵan avtotransport qurallarında júk tasıw jumısı menen shuǵıllanıp, fizikalıq táreplerden alınatuǵın dáramat salıǵın belgilengen stavkada tóleydi.

2021-jıl 1-sentyabrden baslap jeke tártiptegi tasıwshılar óz jumısın tek ǵana agregatorlar xızmetinen paydalanǵan halda ámelge asıradı.

Sonday-aq, buyırtpasız taksiler ushın avtomobildiń aldınǵı aynasınıń joqarǵı oń múeshine ornatılatuǵın jasıl reńdegi shıra, esaplaw úskenesi (taksometr), radio baylanıs quralı hám qadaǵalaw-kassa apparatın ornatıw talapları biykar etildi.

Bunnan tısqarı, yuridikalıq táreplerge tiyisli buyırtpasız taksiler hám jeke tártiptegi tasıwshılar ushın tómendegi talaplar belgilendi:

avtomobil tóbesine "TAXI" belgisi túsirilgen ashıq sarı reńdegi shıraqtıń ornatılıwı;
tólemdi ámelge asırıw hám basıp ótilgen joldı elektron túrde dizimge alıw imkaniyatın beretuǵın arnawlı qosımshalar (sonıń ishinde, mobil telefonlar, planshetler) bar bolıwı;
avtomobildiń ásbaplar panelinde avtotransport quralınıń mámleketlik nomeri, jeke tártiptegi isbilermen sıpatında dizimnen ótkenligi haqqındaǵı hújjet (yaki usı jumıstı ámelge asırıw ushın licenziya/licenziya gúwalıǵı) hám de aydawshınıń telefon nomeri kórsetilgen málimleme belgisi bolıwı.
Qońırat rayonı Ádillik bólimi
Mámleketlik xızmetler orayı qánigesi: U.Torebaev