Sırt elde joqarı oqıw ornın pitkergen shaxslardıń diplomın nostrifikaciyalaw qanday tártipte ámelge asırıladı hám qanday hújjetler talap etiledi?
2026-03-30 18:00:00 / Министрлик
Sırt elde joqarı oqıw ornın pitkergen shaxslardıń diplomın nostrifikaciyalaw qanday tártipte ámelge asırıladı hám qanday hújjetler talap etiledi?
Sırt eldegi joqarı oqıw ornınan alınǵan diplomdı nostrifikaciyalaw Ministrler Kabineti janındaǵı Bilimlendiriwdiń sapasın qadaǵalaw mámleketlik inspekciyası tárepinen ámelge asırıladı.
Sırt mámleketlerde joqarı bilim alǵanlıq haqqındaǵı hújjetlerdi tán alıw boyınsha mámleketlik xızmetti kórsetkeni ushın BEMniń úsh esesi muǵdarında jıyım óndiriledi.
Birden-bir interaktiv mámleketlik xızmetler portalı arqalı múrájat etilgende jıyım mámleketlik xızmet kórsetilgenligi ushın belgilengen jıyımnıń 90 procenti muǵdarında óndiriledi.
Mámleketlik xızmetler oraylarına múrájat etilgende talapker atınan mámleketlik xızmetler orayınıń xızmetkeri, Birden-bir interaktiv mámleketlik xızmetler portalı arqalı múrájat etilgende bolsa talapkerdiń ózi erkin túrde sırt mámleketlerde bilim alǵanlıǵı haqqındaǵı hújjetlerdi tán alıw haqqındaǵı sorawnamanı toltıradı.
Sorawnamaǵa tómendegi hújjetler qosımsha etiledi:
-shet mámleketlerde bilim alǵanlıǵı haqqındaǵı hújjet hám oǵan qosımshanıń nusqası;
-shet mámleketlerde bilim alǵanlıǵı haqqındaǵı hújjet hám oǵan qosımshanıń Ózbekstan Respublikası mámleketlik tiline awdarılǵan, notarial tastıyıqlanǵan nusqası.
Mámleketlik xızmetler orayları arqalı múrájat etilgende talapkerdiń shaxsın tastıyıqlawshı hújjet, sırt mámleketlerde bilim alǵanlıǵı haqqındaǵı hújjet hám oǵan qosımshanıń túp nusqası, sonday-aq, Ózbekstan Respublikası mámleketlik tiline awdarılǵan notarial tastıyıqlanǵan nusqası mámleketlik xızmetler orayınıń xızmetkerine usınıladı.
Qońırat rayonı
Ádillik bóliminiń bas másláháchisi
Sharipov Baxtiyar Abdirashid ulı