"Jańa Ózbekstan Olimpiya shıńları" yaǵnıy "Prezident Olimpiadası" sport jarıslarınıń Qońırat rayonı hákimi olimpiadası basqıshı dawam etpekte
2026-03-28 17:00:00 / Министрлик
Búgin Qońırat rayonı sport mektebiniń sport zalında mámleketimiz boylap jas sporchılar arasında ótkeriletuǵın "Jańa Ózbekstan Olimpiada shıńları" yaǵnıy "Prezident Olimpiadası" sheńberinde sporttıń Erkin gúres, Hayal-qızlar gúresi hám Grek-Rim gúresi túrlerinen Qońırat rayonı hákimi olimpiadasınıń basqıshı shólkemlestirildi.
Joqarı dárejede ótkerilgen sport jarısınıń juwmaǵında jeńimpazlar may-iyun ayları dawamında bolıp ótetuǵın Qaraqalpaqstan Respublikası Joqarǵı Keńesi Baslıǵı olimpiadası yaǵnıy Qaraqalpaqstan Respublikası basqıshına jollamalardı qolǵa kirgizdi.
Maǵlıwmat ornında Qońırat rayonı hákimi olimpiadası sport jarıslarınıń 1-basqıshı, sporttıń 13 túri boyınsha usı jıldıń 5-aprel kúnine shekem dawam etip, jeńimpazlar 7-aprel kúni rayon hákimligi tárepinen sıylıqlanıwı rejelestirilgen.
Qońırat rayonı hákimligi Málimleme xızmeti