Qaraqalpaqstan Respublikası Qońırat rayonı hákimligi

Qońırat rayonında jaslardıń bántligin támiyinlew, olardıń isbilermenlik jumısın qollap-quwatlaw maqsetinde rayon hákiminiń jas isbilermenler menen ashıqtan-ashıq sáwbet shólkemlestirildi.

Ushırasıw dawamında jaslar tárepinen ámelge asırılıp atırǵan joybarlar, olar dus kelip atırǵan mashqalalar hám usınıslar dodalandı. Sonday-aq, isbilermenlikti bunnan bılay da rawajlandırıw, jeńillikler hám finanslıq qollap-quwatlaw máseleleri boyınsha túsinikler berildi.

Rayon hákimi jaslardıń baslamaların qollap-quwatlaw, olardı hár tárepleme xoshametlew mámleketlik siyasattıń tiykarǵı baǵdarlarınan biri ekenin atap ótti.

Ushırasıw juwmaǵında jas isbilermenlerdiń mashqalaların sheshiw boyınsha juwapkerlerge tiyisli tapsırmalar berildi.

Qońırat rayonı hákimligi málimleme xızmeti