"BIZNESTI 15 MINUTTA BASLAW"
2026-03-12 14:50:00 / Министрлик
Mámleketimizde isbilermenlikti qollap-quwatlaw, investiciyalıq ortalıqtı jaqsılaw hám biznes júrgiziw ushın qolaylı sharayatlar jaratıw baǵdarında izbe-iz ilajlar ámelge asırılmaqta. Ásirese, licenziyalaw hám ruqsat beriw tártip-qaǵıydaların ápiwayılastırıw, artıqsha byurokratiyalıq talaplardı qısqartıw jáne mámleketlik xızmetlerdi sanlastırıw búgingi kúnniń áhmiyetli wazıypalarınan biri bolıp esaplanadı.
Ózbekstan Respublikası Prezidentiniń 2025-jıl 14-noyabrdegi
"Biznes júrgiziwdi licenziyalaw hám ruqsat beriw tártip-qaǵıydaların ápiwayılastırıwǵa baylanıslı gezektegi ilajlar haqqında"ǵı Pármanı qabıl etildi. Onda isbilermenlerdiń hákimshilik qárejetlerin 90 mlrd somǵa shekem qısqartıw, sonday-aq, mámleketlik uyımlar menen óz-ara birge islesiw procesinde 85 kúnge shekem waqıt únemlew tiykarǵı maqset etip belgilengen.
2026-jıl 1-yanvardan baslap "Biznesti 15 minutta baslaw" principi tiykarında isbilermenlik subektlerin mámleketlik dizimnen ótkeriwde bir waqıttıń ózinde tómendegi xızmetlerdi kórsetiw tártibi engiziledi:
ESI (elektron sanlı imza) beriw;
bank esapbetlerin ashıw hám olardan paydalanıw;
licenziya, ruxsatnama alıw yamasa xabarnama jiberiw;
kóshpes múlk ijara shártnamasın rásmiylestiriw;
qosımsha qun salıǵı (QQS) gúwalıǵın alıw;
onlayn qadaǵalaw-kassa mashinaların alıw hám dizimnen ótkeriw;
yuridikalıq shaxsqa direktor tayınlaw hám onı málimleme sistemasında esapqa qoyıw.
"Biznesti 15 minutta baslaw" principi sheńberinde tómendegiler belgilendi:
(a) hárbir xizmet isbilermenlik subektiniń tańlawına qaray iqtiyarlı túrde kórsetiledi;
(b) tańlanǵan xızmetler boyınsha birden-bir QR-kod arqalı tólemdi ámelge asırıw imkaniyatı jaratıladı.
2026-jıl 1-yanvardan baslap:
(a) jeke tártiptegi isbilermenlerge firma atamasına iye boliwga ruqsat beriledi;
(b) isbilermenlik subektleriniń baslanǵısh maǵlıwmatları (atı, familiyası, ákesiniń atı, firma atı, mánzili, shólkemlestiriw-huqıqıy forması hám basqalar) ózgergende, usı maǵlıwmatlar boyınsha ózgerisler jeke tártiptegi isbilermenlik gúwalıǵına, licenziyaǵa, ruxsatnamaǵa hám de xabarnamalarǵa vedomstvolar aralıq elektron birge islesiw arqalı avtomatikalıq tárizde hám biypul kirgiziledi.
Bunda:
(I) jeke tártiptegi isbilermenniń atı, familiyası hám ákesiniń atı ózgergeni haqqındaǵı maǵlıwmatlar - Ishki isler ministrliginiń "ID karta" avtomatlastırılǵan málimleme sistemasınan;
(II) basqa maǵlıwmatlar - isbilermenlik subektlerin mámleketlik dizimnen ótkeriw hám esapqa qoyıwdıń avtomatlastırılǵan sistemasınan real waqıt rejiminde "Licenziya" málimleme sistemasına usınıladı.
Bunnan tısqarı, 2026-jıl 1-marttan baslap "Licenziya" málimleme sistemasında licenziya hám ruqsat etiw qásietine ie hújjetlerdi alıwda tómendegilerdi názerde tutatuǵın ıqtıyarlı dáslepki bahalaw xızmeti jolǵa qoyıladı:
(a) dáslepki bahalaw sheńberinde talaban licenziya yamasa ruxsatnama alıw ushın rejelestirip atırǵan imarat-obektler, materiallıq-texnikalıq baza, ásbap-úskeneler, xızmetkerler hám basqa da maǵlıwmatlardıń licenziya hám ruxsat beriw talapları hám shártlerine muwapıqlıǵı úyreniledi hám tiyisli juwmaq beriledi;
(b) dáslepki bahalaw xızmeti 20 kúnnen aspaǵan múddette kórsetiledi hám tiyisli licenziya yamasa ruqsat beriw qásiyetine iye hújjetti beriwde arzanı kórip shiǵiw ushin belgilengen jıyımnan artıq bolmagan muģdarda tólem óndiriledi.
Qońırat rayonı Ádillik bólimi
Mámleketlik xızmetler orayı direktorı
B. Matniyazov.