"Jaslar hám klimat bilimlendiriwi arqalı jetekshilik kónlikpelerin rawajlandırıw"
2026-03-17 19:35:00 / Министрлик
Birlesken Milletler Shólkemi Rawajlanıw baǵdarlaması menen birgelikte "Jaslar hám klimat bilimlendiriwi arqalı jetekshilik kónlikpelerin rawajlandırıw" joybarın ámelge asırıw rejelestirilgen. Bul joybar sheńberinde jaslarda klimat ózgeriwi máseleleri boyınsha bilim hám kónlikpelerdi qáliplestiriw, bilimlendiriw mákemelerinde klimat bilimlendiriwi komponentlerin engiziw hám "jasıl kónlikpeler"di rawajlandırıwǵa qaratılǵan bir qatar ilajlardıń ámelge asırılıwı názerde tutılǵan.
Usı múnásibet penen 2026-jıl 17-mart kúni joybardıń xalıqaralıq konsultantı Charles Edward Schulze, BMShRB wákili Laziz Xwjaqulov, Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Kásiplik bilimlendiriw agentligi Xalıqaralıq bólimi qánigesi Laylo Yaxshiboyeva hám Qaraqalpaqstan Respublikası Kásiplik bilimlendiriw agentligi Miynet bazarı sektorı baslıǵı Gulayım Xalmuratova Qońırat rayonına bardı.
Sapar sheńberinde texnikum studentleri menen ashıqtan-ashıq sáwbet ótkerildi