Qaraqalpaqstan Respublikası Qońırat rayonı hákimligi

Qońırat rayonında "Máhálle jetiligi" jumısı, Samarqand tájiriybesin engiziw hám "Sanlı máhálle" platformasınan paydalanıw boyınsha oqıw-seminar ótkerildi

Ózbekstan Máhálleleri awqamı Qaraqalpaqstan Respublikası basqarmasınıń baslıǵı Saǵındıq Turmanovtıń basshılıǵında Qońırat rayonı hákimliginiń májilisler zalında máhálle baslıqlarınıń qatnasıwında oqıw-seminar shólkemlestirildi.

Seminarda Samarqand tájiriybesin Qońırat rayonında ámeliyatqa engiziw, máhállelerde xatlaw processlerin durıs shólkemlestiriw, "Sanlı máhálle" platformasına maǵlıwmatlardı anıq hám óz waqtında kirgiziw, sorawnamalar menen islesiw tártibi hám málimleme texnologiyalarınan paydalanıw boyınsha tolıq túsinikler berildi.

Qatnasıwshılar ózlerine kerekli metodikalıq kórsetpelerdi aldı, sorawlarına juwaplar berildi hám platforma menen islesiwdiń ámeliy processleri kórsetip ótildi.

Qońırat rayonı hákimligi málimleme xizmeti