"Jaslar kúni" ilajı sheńberinde jaslar menen ushırasıw ótkerildi
2026-11-19 20:05:00 / Jańalıqlar
"Jaslar kúni" ilajı sheńberinde jaslar menen ushırasıw ótkerildi

Búgin rayon hákimi A. Baymuratov rayondaǵı Esimózek máhállesindegi jaslar menen ushırasıw ótkerdi.
Ushırasıw dawamında jaslardıń bilim alıwı, kásip-óner iyelewi, bántligin támiyinlew, isbilermenlik baslamaların qollap-quwatlaw hám bos waqıtların mazmunlı shólkemlestiriw máseleleri dodalandı.
Rayon hákimi jaslar tárepinen bildirilgen usınıs hám baslamalardı tıńlap, olardı ámelge asırıw boyınsha tiyisli juwapkerlerge tapsırmalar berdi.
Sonday-aq, ilajda jaslar ushın jaratılıp atırǵan imkaniyatlar, mámleketlik baǵdarlamalar hám jeńillikler haqqında tolıq maǵlıwmat berildi hám belsendi jaslar ózleriniń jetiskenlikleri hám keleshektegi rejeleri menen ortaqlastı.
Qaraózek rayonı hákimligi málimleme xızmeti



