Rayonda «Muǵállimler hám ustazlar» bayramı keń túrde belgilendi
2026-09-30 10:10:00 / Jańalıqlar
Qaraózek rayonında «1-oktyabr Muǵállimler hám ustazlar kúni» bayramı keń túrde belgilendi.
Bayram saltanatı rayondaǵı payızlı orınlardıń birinde ótkerildi.
Onda rayon hákimi A. Baymuratov hám basqalar shıǵıp sóylep, ózleriniń barlıq ómirin, qálbindegi nurın, mehrin balalarǵa baǵıshlap, olarǵa ilim-bilim, óner sırların úyretip, xalqımızdıń izzet-húrmetine, sheksiz alǵısına miyassar bolǵan muǵállimlerimiz benen qádirli ustazlarımızdı kásiplik bayramları menen qutlıqladı.
Bunnan soń, bir qatar aldıńǵı tájiriybeli joqarı nátiyjelerge erisken muǵállimlerge rayon hákimliginiń húrmet jarlıqları menen bahalı sawǵaları saltanatlı jaǵdayda tapsırıldı.
Bayram ilájı Respublikamızǵa belgili qosıqshılardıń yoshlı koncert baǵdarlamaları menen dawam etti.
Qaraózek rayonı hákimligi málimleme xızmeti