Rayondaǵı isbilermen hayal-qızlar menen ashıq sáwbet ótkerildi
2026-09-10 18:30:00 / Jańalıqlar
Ózbekstan Respublikası Bas ministriniń orınbasarı - Shańaraq hám hayal-qızlar komitetiniń baslıǵı D. Kattaxonova Qaraózek rayonında bolıp, isbilermen hayal-qızlar menen ushırastı hám olardıń jumısı menen jaqınnan tanıstı.
Ushırasıw dawamında hayal-qızlardıń isbilermenlik tarawındaǵı belsendiligin arttırıw, olardıń jańa joybarların qollap-quwatlaw, bántligin támiyinlew hám dáramat dáreklerin keńeytiw máselelerine ayrıqsha itibar qaratıldı.
Isbilermen hayal-qızlar óz jumısı, erisip atırǵan nátiyjeleri, imkaniyatları hám mashqalaları haqqında maǵlıwmat berdi.
Olardıń baslamaların qollap-quwatlaw, jumısın keńeytiw hám jańa joybarlardı ámelge asırıw boyınsha pikir-usınıslar bildirildi.
Ushırasıw dawamında hayal-qızlardıń jumısları ornında úyrenildi.
Qaraózek rayonı hákimligi málimleme xızmeti