Qaraózek rayonında Jizzaq walayatı Keńesi deputatları miymanda boldı
2026-09-10 10:15:00 / Jańalıqlar
Miymanlardı Qaraózek rayonı hákimi Anvar Baymuratov hám rayonlıq Keńes deputatları kútip aldı hám rayonnıń sociallıq ekonomikalıq rawajlanıw baǵdarında ámelge asırılǵan jumısları boyınsha maǵlıwmatlar berildi.
Bunnan soń, Xalıq deputatları Qaraózek rayonlıq Keńesi baslıǵı G. Yusupova rayondaǵı Keńes jumısların tanıstırıp, Keńeste jaratılǵan sharayatlar hám deputatlıq iskerligi boyınsha Keńestiń turaqlı komissiyaları, ekspert toparı hám Keńes janında shólkemlestirilgen jaslar másláhát toparı tárepinen ámelge asırılıp atırılǵan jumıslar menen tájriybe almastı.
Usı kúni delegaciya wákilleriniń hám rayonlıq Keńes deputatları qatnasında ushırasıwı shólkemlestirildi.
Usharasıwda Keńes baslıǵı G. YUsupova rayonlıq Keńes deputatlarınıń 2026-jıl dawamında ámelge asırılǵan jumıslar boyınsha maǵlıwmatlar berdi.
Ushırasıw sońında Xalıq deputatları Jizzaq wálayatı delegaciya wákilleri pikir-usınısların bildirip, óz-ara pikirler alıstı.
Ushırasıwǵa rayon hákimi A. Baymuratov, Qaraqalpaqstan Respublikası Joqarǵı Keńesiniń komitet baslıǵı Sh. Ótemisovlar qatnastı.
Qaraózek rayonı hákimligi málimleme xızmeti