"Ǵárezsizlik - milliy birlik hám tatıwlıq tımsalı"
2026-08-14 18:55:00 / Baspasóz ánjumanları
Búgin Qaraózek rayonında Ǵárezsizligimizdiń 35 jıllıǵı múnásibeti menen "Bir Watan, bir xalıq bolıp, jańa ómir hám keleshek jaratamız!" súreni astında "Ǵárezsizlik toyı" festivalı joqarı dárejede baslandı.
Ilaj sheńberinde rayonlıq Mádeniyat sarayında "Shúkirshilik" mádeniy-aǵartıwshılıq ushırasıwı ótkerildi.
Onda Ózbekstan Respublikasındaǵı Mádeniyat xızmetkerleri, belgili dóretiwshiler, estrada juldızları hám xalqımız qatnastı.
Shıǵıp sóylegenler, mámleketimizde ámelge asırılıp atırǵan keń kólemli reformalar, xalqımız ushın jaratılıp atırǵan sharayatlar, aymaqlardıń rawajlanıwı, jaslarǵa bolǵan ayrıqsha itibar hám insan qádirin ulıǵlawǵa qaratılǵan iygilikli baslamalar haqqında birme-bir atap ótti.
Qaraózek rayonı hákimligi málimleme xızmeti
Búgingi ushırasıw qatnasıwshılarǵa bayram keypiyatın baǵıshladı.
Mámleketimizde kitapqumarlıq mádeniyatın keńnen úgit-násiyatlaw, jaslar arasında kitapqumarlıq mádeniyatın arttırıwǵa qaratılǵan iygilikli baslamalar dawam etpekte. Ǵárezsizligimizdiń dańqlı bayramı - Ǵárezsizlik toyı festivalı sheńberinde Qaraózek rayonında da "Kitaplar kárwanı" joybarı tabıslı ámelge asırıldı.
Ilaj dawamında qatnasıwshılar hám kitapqumarlar ushın tómendegiler shólkemlestirildi:
Kitaplar kórgizbeleri: Hár qıylı janrdaǵı kórkem, tariyxıy, ilimiy-ǵalabalıq hám balalar ádebiyatları kórsetildi.
Dóretiwshilik ushırasıwlar: Belgili jazıwshı hám shayırlar menen qızǵın sóylesiwler bolıp ótti.
Sawǵalar: Belsendi kitapqumarlar hám jaslarǵa estelik sawǵaları hám jańa kitaplar toplamları tarqatıldı.
Bunday aǵartıwshılıq ilajlar jaslarımızdıń ruwxıy dúnyasın bayıtıwǵa, olardıń kitapqa bolǵan mehrin jáne de arttırıwǵa xızmet etedi.