Qaraózek rayonında "Doslıq" festivalı bolıp ótti
2026-07-28 19:10:00 / Jańalıqlar
30-iyul - Xalıqaralıq doslıq kúni múnásibeti menen Qaraózek rayonı Mádeniyat sarayında "Doslıq" festivalı shólkemlestirildi.
Festival aldınan qatnasıwshılar "Ózbekstan - keńpeyil diyar" súreni astında túrli milletler arasındaǵı doslıq hám awızbirshilikti jırlaytuǵın dóretiwshilik kórgizbe menen tanıstı.
Ilaj dawamında rayon hákimi A. Baymuratov hám basqalar shıǵıp sóylep bársheni Xalıqaralıq doslıq kúni menen qızǵın qutlıqlap, elimizde milletleraralıq tatıwlıq, óz-ara húrmet hám keńpeyillikti bekkemlew baǵdarında ámelge asırılıp atırǵan jumıslarǵa ayrıqsha toqtap ótti.
Festival dawamında túrli millet wákileriniń milliy mádeniyatı, óz-ara húrmet hám doslıq ideyaların ulıǵlaytuǵın qosıq hám ayaq oyınlar, qatnasıwshılarda umıtılmas tásirler qaldırdı.
Qaraózek rayonı hákimligi málimleme xızmeti