Qaraózek rayonı hákimi Kepe awılı turǵınları menen ushırastı
2026-07-27 15:25:00 / Jańalıqlar
Búgin rayon hákimi A. Baymuratov Berdaq APJ Kepe awıl puqaralar jıyınında jasawshı puqaralar menen ushırasıw ótkerdi.
Ushırasıw dawamında aymaqtı abadanlastırıw, kósheler hám jol boyların tártipke keltiriw, qorshaǵan ortalıqtıń tazalıǵın támiyinlew hám elatlı punktlerdi jáne de kórkem jaǵdayǵa keltiriw máseleleri dodalandı.
Rayon hákimi bul baǵdarda juwapker shólkemler, máhálle belsendileri hám xalıqqa aymaqta abadanlastırıw jumısların jedellestiriw, jol shetlerin shóp hám shıǵındılardan tazalaw, terekdi tárbiyalaw jáne sanitariyalıq jaǵdaydı jaqsılaw boyınsha tiyisli tapsırmalar berdi.
Sonday-aq, belgilengen wazıypalardı óz waqtında hám sapalı orınlaw boyınsha juwapkerlerge anıq kórsetpeler berilip, ámelge asırılıp atırǵan jumıslar turaqlı qadaǵalawda bolatuǵını atap ótildi.
Qaraózek rayonı hákimligi málimleme xızmeti