Xalıqtıń múrájatı tiykarında kanal qazıw jumısları alıp barılmaqta
2026-07-03 17:30:00 / Jańalıqlar
Xalıqtıń múrájatı tiykarında kanal qazıw jumısları alıp barılmaqta
Qaraózek rayonı hákimi A. Baymuratovtıń Berdaq APJ Aq kól, Qayshılı hám Qojaq awılları puqaraları menen ótkergen ushırasıwında xalıq tárepinen awıldaǵı Boz jap kanalın qazıw beriw boyınsha múrájat bildirilgen edi.
Bul múrájat tez kúnniń ishinde unamlı sheshilip, ámeliy jumıslar baslap jiberildi.
Búgingi kúnge shekem Boz jap kanalınıń 2,5 kilometrlik bólegi qazıldı. Endigiden bılay awıl xalqınıń egislik jerlerin suwǵarıw ushın tolıq múmkinshilik jaratıladı.
Qaraózek rayonı hákimligi málimleme xızmeti