«Jańa Ózbekstan dóretiwshileri» kásiplik sheberlik milliy tańlawınıń rayonlıq basqıshı bolıp ótti
2026-06-04 09:10:00 / Jańalıqlar
Ózbekstan Respublikası Prezidentiniń 2025-jıl 23-oktyabr kúngi «Kásiplik bilimlendiriw sistemasında reformalardı ámelge asırıw is-ilajları haqqında» ǵı qararınıń orınlanıwın támiyinlew maqsetinde Qaraózek rayonında «Jańa Ózbekstan dóretiwshileri» atamasında kásiplik sheberlik milliy tańlawınıń rayonlıq basqıshı bolıp ótti.
Tańlawdıń ashılıw máresimi Qaraózek rayonı 1-sanlı texnikumında bolıp ótti.
Tańlaw dawamında qatnasıwshı jaslar kompyuter grafikası hám dizayn, tigiwshilik, medicinalıq hám sociallıq ǵamxorlıq, shashtárez kásipleri boyınsha óz-ara bellesti.
Bunday tańlawlardı ótkeriwden tiykarǵı maqset jaslardıń kásipke bolǵan qızıǵıwshılıǵın arttırıw, orta buwın kadrları arasında báseki ortalıǵın jaratıw, sonday-aq, tańlaw jeńimpazları hám qatnasıwshılarınıń ishki hám sırtqı miynet bazarında joqarı dáramatlı jumıs ornına ie bolıw imkaniyatın jaratıwı menen úlken áhmietke iye.
Qaraózek rayonı hákimliginiń málimleme xızmeti