Eslew bar eken millet jasaydí.
2026-05-08 14:05:00 / Jańalıqlar
Búgin rayondaǵı «Hásiretli ana» esteligi maydanında 9-may – Eslew hám qádirlew kúni hámde Ekinshi jáhán urısında erisilgen jeńistiń 81 jıllıǵı keń túrde belgilendi.
Ilájda, rayon hákimi A. Baymuratov jıynalǵanlardı óz ómirinde kóp qıyınshılıqlardı basınan keshirip, urıs jıllarında hám de bunnan sonǵı dáwirlerde miynet etken pútkil elimizdiń veteranların bul dańqlı sáne menen qutlıqlap, urıs maydanlarınan qaytpaǵan, usı tınısh zaman kúnlerge jetip kele almaǵan áziz insanlardıń qaharmanlıqların atap ótti.
Sonday-aq, rayon hákimi Húrmetli Prezidentimizdiń “Búgingi erkin hám azat turmıs ushın áziz janın ayamay gúresken bunday ullı insanlar aldında bárqulla qarızdarmız” dep aytıp ótkenindey, olardıń mártligi jaslardı tárbiyalawda órnek mektebi bolatuǵının ayrıqsha tilge aldı.
Bunnan soń, jer júzilik urısta qurban bolǵanlardıń húrmetine keń jámietshilik wákilleri gúl sheńberler qoydı hám húrmet kórsetildi.
Qaraózek rayonı hákimliginiń málimleme xızmeti.