Basshı hám jaslar ushırasıwı.
2026-05-08 09:05:00 / Jańalıqlar
Usı jıldıń 7-may kúni "Jaslar kúni" ilajı sheńberinde, rayon hákimi A. Baymuratov rayondaǵı jaslar menen ushırastı.
Hákim jaslardıń qábiletin júzege shıǵarıw, bos waqtın mazmunlı ótkeriw, sport túrleri menen turaqlı túrde shuǵıllanıwdı bunnan bılay da kúsheytiw kerekligin atap ótti.
Ushırasıw dawamında, jaslar ózleriniń usınısların bildirip, sporttıń voleybol, kiber sport túrleri boyınsha jarıslardı tez-tezden shólkemlestiririw hám usı sprot túrlerine elede jaslardı qamtıp alıw boyınsha usınısların bildirdi.
Rayon hákimi bul usınısların maqulladı hám jarıs ótkeriletuǵın waqıtların jaslar menen kelisip aldı.
Bul baǵdarda, jaslar jetekshileriniń jumıs nátiyjeliligin, tájiriybesin arttırıw maqsetinde, 13 máhálledegi jaslar jetekshilerin Namangan qalasında bolıp ótetuǵın «Guller bayramı» na qatnasıp, ol jaqtıń jasları menen tájiriybe almasıp qaytıwın qollap-quwatlaytuǵınlıǵın bildirdi.
Qaraózek rayonı hákimliginiń málimleme xızmeti.