Agentlik direktorı rayondaǵı 2-sanlı texnikumda boldı.
2026-03-30 18:35:00 / Jańalıqlar
Ózbekstan Joqarı bilimlendiriw, ilim hám innovaciyalar ministrligi janındaǵı Kásiplik bilimlendiriw agentliginiń direktorı Azimjon Xusanov respublikamızda orta arnawlı oqıw orınlarında alıp barılıp atırǵan jumıslardıń barısı menen jaqınnan tanısıw maqsetinde, Qaraózek rayonı 2-sanlı texnikumǵa bardı.
A. Xusanov oqıw orınında oqıwshılar ushın jaratılǵan zamanagóy sharayatlar, oqıw procesiniń shólkemlestiriliwi, ámeliy laboratoriyalar hám ustaxanalarda jaratılǵan imkaniyatlardı kózden ótkerip, texnikumnıń oqıtıwshıları hám oqıwshı-jasları menen sáwbetlesti.
Ushırasıwlar dawamında kásiplik bilimlendiriw mákemelerinde ámeliy kónlikpelerdi bunnan bılay da rawajlandırıw, xalıqaralıq birge islesiwdi keńeytiw hám jaslardı zamanagóy bilim hám kásiplerge baǵdarlaw boyınsha áhmietli wazıypalar belgilep alındı.
Ushırasıwǵa Qaraqalpaqstan Respublikası Joqarǵı Keńesiniń komitet baslıǵı M. Atamuratov qatnastı.
Qaraózek rayonı hákimliginiń málimleme xızmeti.