Jaslar arasında voleyboldı ǵalaba en jaydırıw.
2026-03-26 19:15:00 / Jańalıqlar
Ózbekstan Respublikası Prezidentiniń 2024-jıl 19-iyul kúngi «Voleybol sport túrlerin jánede rawajlandırıw is-ilajları haqqında» ǵı PQ-274-sanlı qararın tiykarında «Voleybol» sport túrlerin jánede jetilistiriw, jaslar arasında bul sport túrin keńnen en jaydırıw, kúshli sportshılardı tańlap alıw hámde sportshılardıń jarıslarda joqarı nátiyjelerge erisiwin támiyinlew maqsetinde, rayon hákimligi tárepinen 28-sanlı mektepke voleybol qum maydanshası salıp berildi.
Búgin usı sport maydanshada sporttıń «Voleybol» túri boyınsha jarıs shólkemlestirilip, onda rayon hákimi A. Baymuratov, Ishki isler bólimi baslıǵı M. Allabergenovlar shıǵıp sóylep, sportshılardı jarıstıń ashılıwı menen qutlıqladı hám olarǵa sport inventarları tapsırıldı.
Qaraózek rayonı hákimliginiń málimleme xızmeti.