Ramazan ayın xalqımız jaqsı nietler menen kútip almaqta.
2026-03-20 08:25:00 / Jańalıqlar
Búgin tań azannan «Ramazan hayıt» bayramı múnásibeti menen «Idris Iyshan» jámáátlik meshitinde, ata-babalarımızdıń ruwxlarına quran qatım etilip, elimizge tınıshlıq-tatıwlıq, shańaraqlarımızǵa bereket, qálblerimizge iyman isenim turaqlı bolıwın tiledi.
Rayon hákimi A. Baymuratov bárshe jámáátti, rayon xalqın bayram menen qutlıqlap, elimizge tınıshlıq, diyxanlarımızǵa mol ırısqı-nesiybe tiledi hám usı múbárek ayda Prezidentimiz tárepinen ámelge asırılıp atırǵan iygilikli jumıslar xalqımızdıń kewlinde ayrıqsha jıllılıq sezimin oyatıp atırǵanlıǵın atap ótti.
Bunnan soń, «Idris iyshan» jáámátlik meshitiniń imam kátibi A. Idrisov múbárek Ramazan ayında átirapımızdaǵılarǵa jaqsılıq qılıwǵa mútájlerdi qollap-quwatlawǵa, qapa kewillerdi shad qılıwǵa hám qılǵan barlıq iygilikli ámellerimizdiń qabıl bolıwın tiledi.
Qaraózek rayonı hákimligi Málimleme xızmeti.