Nawrız-bul tábiyattıń oyanıwı, jaqsılıq hám jańalanıw bayramı. Ásirler dawamında xalqımız tárepinen keńnen belgilenip kiyatırǵan bul qutlı áyyam insanlardı bir-birine jáne de jaqınlastıradı, kewillerde miyrim-shápáát, keńpeyillik hám jaqsı niyetlerdi bekkemleydi.

Tiykarǵı Nawrız tamashaları rayon orayındaǵı sport maydanshada baslandı.

Bayram ilájında xalqımızdı rayon hákimi A. Baymuratov, Qaraqalpaqstan Respublikası Joqarǵı Keńesi Baslıǵınıń orınbasarı, R. Nurazizov qızǵın qutlıqladı. Rayon hákimi óz sózinde elimizde keyingi jıllarda ámelge asırılıp atırǵan keń kólemli reformalar, xalqımızdıń abadanlıǵın támiyinlew, qala hám awıllarımızdı bunnan bılay da abat etiw, xalıqtıń turmıs dárejesin arttırıwǵa qaratılǵan jumıslardı atap ótti.

Bunnan soń, kórkem óner tarawı atqarıwshılarınıń yoshlı koncert baǵdarlamaları, xalıq seyilleri, ata-babalarımızdan miyras bolıp kiyatırǵan dástúrlerimizdi sáwlelendiriwshi kórgizbeler, milliy taǵamlar menen birge milliy gúres, tas kóteriw, qoraz hám qoshqar urıstırıw, arqan tartısıw hám taǵı basqa da milliy sport túrlerinen jarıslar shólkemlestiriledi.

Jarıs juwmaǵında jeńimpaz bolǵan sportshılarımız rayon hákimligi tárepinen qımbat bahalı sawǵalar menen múnásip sıylıqlandı.

Qaraózek rayonı hákimliginiń málimleme xızmeti.