Ramazan – mehir-múriwbet ayı.
2026-03-17 21:20:00 / Jańalıqlar
Ramazan – mehir-múriwbet ayı.
Múbárek Ramazan ayı múnásibeti menen Qaraózek rayonındaǵı payızlı orınlardıń birinde nuranıylar, ózgelerdiń járdemine mútáj puqaralar ushın iftarlıq dasturxanı shólkemlestirildi.
Búgingi iftarlıq dasturxanı átirapında jám bolıp, elimiz tınıshlıǵı, xalqımız abadanlıǵı hám perzentlerimizdiń kamal tabıwı ushın duwa etip atırǵanımız - elimizde húkim súrip atırǵan tınıshlıq hám turaqlılıqtıń jáne bir kórinisi bolıp esaplanadı.
Bul iftarlıq ilajı Ramazan ayı ruwxına say saqawat hám adamgershiliktiń ayqın úlgisi bolıp, onda qatnasqan puqaralar shólkemlestiriwshilerge óz minnetdarshılıǵın bildirdi.
Qaraózek rayonı hákimligi málimleme xızmeti