Qaraqalpaqstan Respublikası Qaraózek rayonı hákimligi

Korrupciya – oǵada sociyallıq-sıyasıy jemiriwshi kúsh, onıń aqıbetinde ekonomikaǵa pútir jetedi, sociyallıq teńsizlik payda boladı, xalıqtıń mámleketlik basqarıw hákimiyatı organlarına isenimi joǵaladı, birlesken jınayatshılıq kúsheyedi. Korrupciya aqıbetinde kelip shıǵatuǵın kewilsiz halatlar dizimin jánede dawam ettiriw múmkin.

Ullı filosof Aristotel aytqanınday, hákimiyatqa pul menen erisken adam odan dáramat alıwǵa umtıladı. Sonlıqtan korrupciya buzǵınshılıq qásiyetine iye bolǵanlıǵı ushın da jámiyet oǵan barqulla gúresip keledi. Jámiyette korrupciya háwij alsa nızam ústemligine, demokratiya hám insan huqıqlarına, nátiyjeli mámleketlik basqarıwǵa kesent etip, teńlik hám sociyallıq ádillik principin buzadı, jámiyettegi barlıq normalardı izden shıǵaradı.

 Álbette, biz benen siz jasap atırǵan jámiyettiń basqarıwında kemshilikler bolıp turıwı tábiyiy, sebebi hár qanday jámiyet yamasa mámleket ideal emes. Erkin demokratiyalıq huqıqıy mámleket hám puqaralıq jámiyetti qurıwda korrupciya tiykarǵı tosıqlardan biri bolıp tabıladı. Ǵárezsizlikke eriskenimizden keyingi dáwirde korrupciyaǵa baylanıslı jınayatshılıqlardıń aldın alıwǵa qaratılǵan bir qatar normativ huqıqıy hújjetler qabıl etildi.

Sebebi korrupciya hám oǵan baylanıslı bolǵan ekonomikalıq jınayatshılıq mámleketlerdiń búgingi ekonomikalıq hám sıyasıy jaǵdayında rawajlanıwǵa tosqınlıq qılıwshı tiykarǵı qáwip deregi, qáwipsizlikke basım bolıp tabıladı.

Mámleketimizdiń keleshegin hám abıroy itibarın qádirleytuǵın hár bir hújdanlı puqara bul qáwipti este tutıwı tiyis. Shın kewilden miynet etiwi, óz bilimi, kúsh-ǵayratın iske qosıwı, korrupciya jolına óz waqtında zárúr tosıq qoyılmasa, bul illetler qanday ayanıshlı aqıbetlerge alıp keliwi múmkinligin jaqsı ańlap jetiwi lazım.

 Sonǵı jılları mámleketimizde “Elektron húkimet” tiń korrupciyanı kemeytiriwdegi ornı itibarǵa alınıp, onı basqarıw sistemasına keń engiziw baslandı.

Ásirese, mámleketlik xızmetlerden júzden artıǵın ámelge asırıw elektronlastırıw hám birden-bir elektron mámleketlik portalın jaratıwǵa úlken itibar berildi. Bul bolsa óz náwbetinde puqaralardıń mámleketlik uyımlar menen baylanısında korrupciyalıq halatlardıń joq bolıwında óziniń unamlı nátiyjesin beredi.

 Qaraózak rayonı ádillik bólimi Mámleketlik xızmetler orayı bas qaniygesi A. Maxanov.