Qaraózek rayonında korrupciya hám oǵan qarsı gúresiw boyınsha májilis ótkerildi.
2026-01-28 19:15:00 / Jańalıqlar
Májiliske rayon prokurorı, Jınayat isleri boyınsha Qaraózek rayonı sudı hám tergew sudyası, IIB baslıǵı, Ádillik bólimi baslıǵı qatnastı.
Onda shıǵıp sóylegenler, Ózbekstan Respublikasınıń «Korrupciyaǵa qarsı gúresiw haqqında» ǵı Nızamınıń mazmun-mánisi, Korrupciya jámiettiń rawajlanıwına, nızam ústinligine hám puqaralardıń mámleketlik uyımlarǵa bolǵan isenimine ayrıqsha zıyan keltiretuǵın unamsız illet ekenligin túsindirip ótti.
Sonday-aq, Ózbekstan Respublikası Joqarı sudı Plenumınıń 2025-jıl 24-noyabrdegi Ózbekstan Respublikası Joqarı sudı Plenumınıń 2006-jıl 3-fevraldaǵı «Sudlar tárepinen jınayat ushın jaza tayınlaw áhmieti haqqında» ǵı 1-sanlı qararına ózgeris hám qosımshalar kirgiziw haqqında» ǵı 22-sanlı qararınıń áhmieti boyınsha maǵlıwmatlar berip ótti.
Qaraózek rayonı hákimliginiń málimleme xızmeti