Rayonda bayram ilájı shólkemlestirildi.
2025-12-24 18:55:00 / Jańalıqlar
Búgin rayondaǵı payızlı orınlardıń birinde «Awıl xojalıǵı xızmetkerleri kúni» múnásebeti menen tarawı xızmetkerleri hám fermerler ushın bayram dásturxanı jayıldı.
Ilájda rayon hákimi A. Baymuratov Qaraqalpaqstan Respublikası Joqarǵı Keńesiniń komitet baslıǵı Sh. Ótemisov hám basqalar, taraw xızmetkerlerin kásiplik bayramları menen qutlıqladı.
Ótip baratırǵan jıl dawamında fermerlerimiz tárepinen awıl xojalıǵı hám basqada tarawlarda mol zúráátler jetistirildi.
Usınday miynetler nátiyjesinde úlken tabıslar qolǵa kirgizilip, elimizdiӊ ekonomikasın bekkemlew, azıq-awqat qáwipsizligin támiyinlewde, awıl xojalıǵı eginlerinen joqarı hám sapalı zúráát jetistirilgenligi atap ótildi.
Bunnan soń, bir qatar aldaǵı fermer xojalıqlarına Ózbekstan Fermerler keńesiniń «Ilǵor fermer» kókirek belgisi saltanatlı jaǵdayda tapsırıldı.
Qaraózek rayonı hákimliginiń málimleme xızmeti