Toy máresimlerin ıqshamlastırıw máselesi boyınsha ushırasıw ótkerildi.
2025-12-22 17:05:00 / Jańalıqlar
Qaraózek rayonında saltanatlı toylar hám basqa da shańaraqlıq máresimlerdi ıqshamlastırıw, olardı milliy qádiriyatlarımızǵa say, ápiwayılıq hám únemlilik tiykarında ótkeriwge qaratılǵan úgit-násiyat ilajı shólkemlestirildi.
Bul ilajda toy-merekeler, hár qıylı shańaraqlıq máresimlerde artıqsha ısırapgershilikke jol qoymaw, máresimlerdi tártipli hám ıqsham túrde ótkeriw máselelerine ayrıqsha itibar qaratıldı.
Iláj dawamında milliy qádiriyatlarımızǵa tiykarlanǵan halda toy hám máresimlerde artıqsha qárejetlerdiń aldın alıw, jas shańaraqlardı finanslıq basımnan saqlaw, óz-ara húrmet hám awızbirshilik ortalıǵın bekkemlew zárúr ekenligi atap ótildi.
Ushırasıwǵa máhálle jetiligi wákilleri, kóshe biyleri, hayal-qızlar belsendileri, nuranıylar hám jámietshilik wákilleri belsene qatnasıp, óz pikir-usınısların bildirdi.
Qaraózek rayonı hákimliginiń málimleme xızmeti