Basım hám zorlıqqa qarsı 16 kún.
2025-12-04 18:50:00 / Jańalıqlar
**Basım hám zorlıqqa qarsı 16 kún**
Búgin, Qaraózek rayonı «Insan» sociallıq xızmetler orayı imáratında «Basım hám zorlıqqa qarsı 16 kún» akciyası sheńberinde ilaj shólkemlestirildi.
Ilájǵa Qaraqalpaqstan Respublikası Prokuraturasınıń bólim prokurorı L. Seytova, rayon hákiminiń orınbasarı, shańaraq hám hayal-qızlar bólimi baslıǵı R. Sagıydullaeva, psixologlar hám awıl puqaralar jıyınlarındaǵı hayal-qızlar qatnastı.
Iláj dawamında, hayal-qızlar hám balalardıń huqıqları, erkinlikleri jáne nızamlı máplerin isenimli qorǵaw, hayal-qızlardıń mashqalaların turaqlı úyreniw, tiyisli uyımlar menen birge islesiwdi bunnan bılay da bekkemlew boyınsha taraw basshıları tárepinen túsinikler berildi.
Sonday-aq, usı kúni «Ǵárezsizlik gúzarı» máhállesindegi «Kámbaǵallıq reestr» ǵa kiritilgen shańaraqlardıń jaǵdaylarınan xabar alınıp, bántligin támiyinlew boyınsha usınıslar berildi.
Qorao‘zak tumani hokimligining axborot xizmati.