Eslew hám qádirlew kúni
2025-05-09 / Waqıyalar kalendarı
1999-jılı 9-may kúni Ózbekstan paytaxtında Eslew maydanı ashıldı hám sol kúnnen baslap 9-may Eslew hám qádirlew kúni dep belgilenbekte.
Bul bayram keń mánige iye bolıp, ol ǵárezsiz Ózbekstanda ásirler dawamında qaharmanlıq etken, úlkemizdi qorǵaǵan, onıń erkinligi, gárezsizligi hám xalqınıń tınıshlıǵı ushın gúresken watanlaslar esteligine baǵıshlanıw menen bir qatarda ol ulıwma xalıqlıq eslew hám insandı qádirlew kúni de bolıp esaplanadı. Eslew hám qádirlew kúni haqıyqıy milliy-ulıwma xalıqlıq bayram bolıp, bul kúnleri adamlar uzaq-jaqında jasaytuǵın jaqınlarınıń halınan xabar aladı, jası úlkenlerdi zıyarat etedi hám olarǵa ayrıqsha húrmet kórsetiledi.