Baylanısshılar kásiplik bayramı kúni
2025-05-07 / Waqıyalar kalendarı
7-may kúni taraw xızmetkerleri óz bayramların belgileydi.
Baylanısshılar kásiplik bayramın belgilew ushın bul sáne biykarǵa tańlanbaǵan. Bizge belgili, 1895-jil 7-may kúni Aleksandr Popov birinshi radiopriyomnikti joybarlastırdı hám sımsız baylanıs tiykarında birinshi seansti ámelge asırdı. Bul sáne jıllar dawamında baylanısshılar kásiplik bayramın belgilewge tiykar boldı. Áyne usı kún baylanısshılar kúni dep járiyalandı. Málimleme texnologiyaları hám kommunikaciyaları tarawın rawajlandırıw Respublikamızdaǵı basqa tarawlardı jedel rawajlandırıwǵa unamlı tásir kórsetedi. Ózleriniń kúndelikli miynetleri menen baylanıs tarawı xızmetkerleri mámleketimizdiń rawajlanıwına úlken úles qospaqta.