Oraylıq Aziya pedagogları Nókiste ushıraspaqta

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Mektepke shekemgi hám mektep bilimlendiriwi ministri Ezozxon Karimovalar shıǵıp sóylep, elimizde Ózbekstan Respublikası Prezidenti Sh.Mirziyoev basshılıǵında alıp barılıp atırǵan keń kѳlemli reformalar, tarawǵa qaratılıp atırǵan ayrıqsha itibar haqqında atap ótti.

Haqıyqatında da, respublikamızda ámelge asırılıp atırǵan reformalar nátiyjesinde tálim-tárbiya sistemasın xalıqaralıq standartlar tiykarında rawajlandırıw, oqıw procesine aldınǵı tájiriybeler, innovaciyalıq texnologiyalardı keńnen engiziw, pedagoglardıń jámiyettegi ornın hám abırayın arttırıw, oqıwshı jaslarǵa zamanagóy bilim hám kásip-óner sırların úyretiw baǵdarındaǵı jumıslar jańa basqıshlarǵa kóterilmekte.

Ótkerilip atırǵan forumda Oraylıq Aziya mámleketleriniń jetekshi pedagogları, bilimlendiriw tarawı pidayıları, Birlesken Milletler Shólkemi, sonday-aq, bir qatar xalıqaralıq shólkemler hám de Kembridj universitetiniń wákilleri qatnaspaqta.

«Turaqlı keleshek – ekologiyalıq tálimnen baslanadı» degen ideya tiykarında ѳtkerilip atırǵan búgingi Xalıqaralıq forum Oraylıq Aziya mámleketleri arasında bilimlendiriw tarawındaǵı birge islesiwdi jáne de bekkemlewde, pedagoglar ushın tájiriybe almasıw platformasın jaratıwda hám regionallıq bilimlendiriw sistemasın rawajlandırıwda, xalıqaralıq tıǵız birge islesiwlerdi bunnan bılay da keńeytiwde áhmiyetli orın iyeleydi.
Forum sheńberindegi ilajlar dawam etpekte.

Qaraqalpaqstan xabar agentligi