Ózbek tili bayramı kúni

Nızam statyalarında "Ózbekstan Respublikasınıń mámleketlik tili ózbek tili" ekenligi hám Ózbekstan Respublikası aymaǵında jasawshı barlıq millet hám xalıqlardıń tilleri, úrp-ádetleri hám dástúrleri húrmet etiliwi belgilengenligi úlken áhmietke iye bolǵan.

2020-jıl 10-aprelde Ózbekstan Respublikasınıń "Ózbek tili bayramı kúnin belgilew haqqında"ǵı nızamınıń qabıl etiliwi bolsa xalqımızdıń kewlindegi, ármanındaǵı is bolǵan edi. Usı nızam menen hár jılı 21-oktyabr mámleketimizde "Ózbek tili bayramı kúni" sıpatında keńnen belgilenedi.

Millettiń abırayı áne sol millet, xalıq tiliniń qanshelli keń tarqalǵanlıǵı, jetikligi, ǵalabalasqanlıǵı, bay hám tazalıǵı menen belgilenedi. Usı mániste, ana tilimiz - ózbek tili de ásirler dawamında óziniń tazalıǵın, ózine tán táreplerin saqlap, jetilisip, jasap kiyatırǵan dúnyadaǵı onlaǵan tillerden biri bolıp esaplanatuǵının aytıw kerek. Ana tilimiz milletimizdiń kórki, maqtanıshı sıpatında xalıqaralıq kólemde tán alınǵan. Ásirese, Prezidentimiz 2020-jılı onlayn tárizde ótkerilgen BMSh Bas Assambleyasınıń 75-sessiyasında, jaqında bolıp ótken 78-sessiyasında ózbek tilinde shıǵıp sóylegenligi ana tilimizdiń xalıqaralıq maydandaǵı abırayın jáne de arttırdı.