Ózbekstan Respublikası milliy valyutası - sum aylanısqa kirgizilgen kún.

Oraylıq bank tárepinen 1991-1993-jıllar dawamında milliy valyutanı aylanısqa kirgiziw ushın júdá kóp izleniwler alıp barıldı, shet el mámleketleriniń tájiriybesi úyrenildi.

1993-jıldıń 15-noyabrinen baslap tólem quralı sıpatında "Sum-kupon" aylanısqa kirgizildi. Pul reformasın ámelge asırıw boyınsha belgili bir tájiriybege iye bolıw ushın "Swm-kupon" ótiw valyutası sıpatında xızmet etti.

Bul baǵdarda jeterli tájiriybe toplanǵannan soń, 1994-jılı 1-iyulden baslap Ózbekstan Respublikası milliy valyutası "sum" aylanısqa kirgizildi. Dáslep 1, 3, 5, 10, 25, 50, 100, 200 (1997-jil), 500 (1999-jil) hám 1000 sumlıq (2001-jil) pullar izbe-iz aylanısqa kirgizildi.

- Oraylıq bank tárepinen jıllar dawamında aqsha sapasın jaqsılaw, qáwipsizligin arttırıw hám dizaynı baǵdarında tınımsız izleniwler alıp barıldı.

- 2018-jılı ıqsham hám jeńil salmaqta jańa dizayndaǵı teńgeler - 50, 100, 200 hám 500 sumlıq teńgeler shıǵarıldı. Jańa dizayndaǵı 1000 sumlıq teńge bolsa 2022-jılı aylanısqa kirgizildi.

- Naq pulǵa baylanıslı reformalardıń dawamı sıpatında banknotlardıń jańa dizayni islep shıǵıldı. 2021-jılı 2 000, 5 000, 10 000, 20 000, 50 000, 100 000 sumlıq hám 2022-jılı 200 000 sumlıq bahadaǵı jańa banknotlar xalqımızǵa usınıldı.

- Bul banknotlar qaǵaz sapası, qorǵaw qatlamları jaǵınan eski banknotlardan biraz parıq qıladı. Pullardıń dizaynında "Ullı Jipek jolı" hám mámleketimizdiń tariyxıy qalaları teması sáwlelendirildi.

Milliy valyuta mámlekettiń ekonomikalıq ǵárezsizligin támiyinlewshi, onıń ózligin sáwlelendiriwshi, dúnyaǵa tanitiwshi áhmiyetli mámleketlik belgisi yesaplanadi. Mámleketlik belgilerge húrmet penen qatnasta bolıw, bárinen burın, sol xalıqtıń ózine bolǵan joqarı itibarın bildiredi.