"Shaxsqa tiyisli maǵlıwmatlar haqqında"ǵı Nızamnıń 5-bap,

27-statyasına tiykarlanıp Mámleket shaxsqa tiyisli maǵlıwmatlardıń qorǵalıwın kepilleydi.

Menshik iyesi hám (yamasa) operator, sonday-aq, úshinshi shaxs shaxsqa tiyisli maǵlıwmatlardı qorǵaw boyınsha tómendegilerdi támiyinleytuǵın huqıqıy, shólkemlestiriwshilik hám texnikalıq ilajlardı kóredi:

- subekttiń óz jeke turmısına aralasıwdan qorǵalıw huqıqınıń ámelge asırılıwın;

- jeke maǵlıwmatlardıń pútinligi hám pútin saqlanıwın;

- shaxsqa tiyisli maǵlıwmatlardıń qáwipsizligine ámel etiliwin;

- jeke maǵlıwmatlarǵa nızamǵa qayshı túrde islew beriwdiń aldın alıwdı.

28-statya. Jeke maǵlıwmatlardıń qáwipsizligi

Subekttiń kelisimisiz yamasa basqa nızamlı tiykar bolmaǵan jaǵdayda shaxsqa baylanıslı maǵlıwmatlardı járiyalaw hám tarqatıwǵa jol qoymaw haqqındaǵı múlk iesi hám (yamasa) operator yamasa shaxsqa baylanıslı maǵlıwmatlardan paydalanıwǵa ruxsat alǵan basqa shaxs tárepinen saqlanıwı májbúriy bolǵan talap shaxsqa baylanıslı maǵlıwmatlardıń sırlılıǵı bolıp tabıladı.

Menshik iesi hám (yamasa) operator jáne de shaxsqa tiyisli maǵlıwmatlardan paydalanıwǵa ruxsat alǵan basqa shaxslar subekttiń razılıǵısız shaxsqa tiyisli maǵlıwmatlardı úshinshi shaxslarǵa járiyalamawı hám tarqatpawı shárt.