MOYNAQTA MÁMLEKETIMIZ BAYRAǴÍ QABÍL ETILGEN KÚN MÚNÁSIBETI MENEN BAYRAM ILAJLARÍ ÓTKERILMEKTE
2026-11-17 11:30:00 / Jańalıqlar
18-noyabr — Ózbekstan Respublikası Mámleketlik bayraǵı qabıl etilgen kún múnásibeti menen Moynaq rayonında bayram ilajları shólkemlestirilmekte.

18-noyabr — Ózbekstan Respublikası Mámleketlik bayraǵı qabıl etilgen kún múnásibeti menen Moynaq rayonında bayram ilajları shólkemlestirilmekte.
Bayram ilajları sheńberinde dáslep rayon jasları hám jámiyechilik belsendileriniń qatnasıwında Watanımız bayraǵına húrmet belgisi sıpatında saltanatlı estafeta shólkemlestirildi.
Bunnan soń bayram koncert baǵdarlaması bolıp ótti. Onda rayon hákiminiń orınbasarı M.Jumabaev shıǵıp sóylep, Mámleketlik bayraqtıń xalqımız turmısındaǵı ornı, milliy maqtanıshımız, ǵárezsizligimiz hám birligimiz tımsalı sıpatındaǵı áhmiyetine ayrıqsha toqtap ótti.
Ilaj dawamında rayonlıq Mádeniyat bólimi xızmetkerleri tárepinen tayarlanǵan bayram koncert baǵdarlaması qoyıp berildi. Nama-qosıqlar hám kórkem shıǵıwlar qatnasıwshılarǵa bayram keypiyatın baǵıshladı.
Ilajlar jaslardıń kewlinde Watanǵa muhabbat, milliy qádiriyatlarǵa húrmet hám mámleketimizdiń nıshanlarına sadıqlıq sezimlerin bekkemlewge xızmet etedi









