Salamatlıq marafonına start berildi
2026-10-03 09:45:00 / Jańalıqlar
⚡️Búgin Moynaq rayonında Ózbekstan Respublikası Prezidenti Administraciyası hám Densawlıqtı saqlaw ministrliginiń baslaması menen respublikamız boylap ótkerilip atırǵan «Salamatlıq marafonı»na start berildi.
⚡️«Baxtlı ómirge qádem» súreni astında bolıp ótetuǵın «Salamatlıq marafonı»nıń ashılıw márésiminde Moynaq rayonı medicina birlespesiniń bas shıpakeriniń w.w.a. Jamila Davletova, Salamatlıq hám strategiyalıq rawajlanıw bólimi shıpakeri A.Matmuratov, Xirurgiya bóliminiń baslıǵı Yu.Dosimov shıpakerler hám orta buwın medicina xızmetkerleri qatnastı.
Ilajda sóz alǵanlar bul sıyaqlı salamatlıq ilajlarınıń xalqımızdıń medicinalıq mádeniyatın joqarılatıw, keselliklerdiń erte aldın alıw hám salamat turmıs tárizin úgit-násiyatlawdaǵı áhmiyetine keńnen toqtalıp ótti.
⚡️Maǵlıwmat ushın aytıp ótetuǵın bolsaq, «Salamatlıq marafonı» usı jıldıń 2–30 oktyabr kúnleri aralıǵında bolıp ótedi.