Shańaraqta erli-zayıplılardıń teń huqıqlıǵı
2026-08-21 10:30:00 / Jańalıqlar
2019-jıl 2-sentyabrde qabıl etilgen “Hayal-qızlar hám er adamlar ushın teń huqıq hám múmkinshilikler kepillikleri haqqında”ǵı ÓzbekstanRespublikasınıń Nızamı hayal-qızlardıń jámiyettegi ornına qaratılǵan huqıqıy qorǵaw, huqıqıy kepillik sıpatında maqullandı.
Haqıyqatındada, mıń jıllardan berli jámiyette hayal hám erler arasındaǵı teńsizlik hám onı sheshiw máselesi bárháma áhmiyetke iye bolıp kelgen. Ótken dáwirlerde shańaraqta erli-zayıplılardıń teń huqıqlıǵı, ásirese shańaraqqa tiyisli dawlardıń kútá úlken bólegi erler tárepinen hayal huqıqlarınıń tán alınbaslıq jaǵdaylarına jeterli áhmiyet berilmegenligi haqıyqat bolıp tabıladı.
Nızamnıń maqseti hayal-qızlar hám erler ushın teń huqıq hám múmkinshiliklerdi támiyinlew salasındaǵı qatnaslardı tártipke salıwdan, ásirese shańaraqqa tiyisli qatnaslar hám balalar tárbiyası salasında hayal-qızlar hám er adamlar ushın teń huqıq hám múmkinshilikler kepilliklerinen ibarat.
Nızamǵa muwapıq, shańaraq, analıq, ákelik hám balalıq mámleket qáwipsizliginde bolıp tabıladı. Sonday-aq, hayal-qızlar hám erler shańaraqqa tiyisli qatnaslar salasında teń huqıq hám minnetlemelerge iye. Shańaraqqa tiyisli qatnaslar salasında hayal-qızlar hám erler ushın huqıq hám múmkinshiliklerdiń teńligi tómendegilerge tiykarlanadı:
hayal-qızlarhámerler ózrazılıǵı menennekedúziwine;
májburiy hám erte nekelerge jol qoyılmawına;
er hám hayaldıń jeke hám múlkshilik huqıq hám minnetlemeleri teńligine;
shańaraqtıń ishki dawların óz-ara kelisim boyınsha sheshiwge;
úy miynetine qarata hayal-qızlar hám er adamlar huqıq hám minnetlemeleriniń teńligine;
balalardı baǵıw, tárbiyalaw hám oqıtıwda, jas óspirim hám miynetke uqıpsız shańaraq aǵzalarınıń huqıq hám mápleri qorǵalıwın támiyinlewde teń qatnasıwǵa;
Ata-analar kishi jastaǵı balalardı, mayıplıǵı bolǵan shańaraq aǵzaların kútimi boyınsha napaqalar alıwda teń huqıqlarǵa iye boladı. Bala tuwılıwı múnásibeti menen ana hám áke tólemli dem alıs alıw huqıqına iye. Balanı baǵıw boyınsha dem alıstıń dawam etiw waqtı ata-ananıń ıqtıyarına kóre olar arasında bóliniwi múmkin, bunda ata-ana dem alıstan onı bólimlerge bolǵen halda paydalanıwı múmkin.
Aygul Turǵanbaeva
Moynaq rayonı ádillik bólimi
PHAJ baslıǵı