Qaraqalpaqstan Respublikası Moynaq rayonı hákimligi

https://www.youtube.com/live/60rGeT4WvqM?si=re4E7PgWiir1n7Na

Búgin xalıq deputatları Moynaq rayonlıq Keńesiniń 38-sessiyası bolıp ótti. Sessiyada rayondı sociallıq-ekonomikalıq rawajlandırıw hám jergilikli basqarıwǵa baylanıslı bir qatar áhmiyetli máseleler kórip shıǵıldı.

Atap aytqanda, Respublikalıq Ruwxıy-aǵartıwshılıq orayı Moynaq rayonlıq bóliminiń 2026-jıldıń altı ayı dawamında ámelge asırǵan jumısları, rayonda ayrıqsha jaǵdaylardıń aldın alıw boyınsha 2026-jıldıń ótken altı ayında orınlanǵan jumıslar boyınsha esabatlar tıńlandı.

Sonday-aq, xalıq deputatları Moynaq rayonlıq Keńesindegi bosap qalǵan 5-"Aqqala" saylaw okrugi boyınsha deputatlıq ornı boyınsha saylaw ótkeriwshi uchastkalıq saylaw komissiyası aǵzalıǵına talabanlardı usınıs etiw, rayon jergilikli byudjetiniń 2026-jılda artıqsha orınlanǵan bólegi esabınan qarjı ajıratıw jáne bos qalǵan deputatlıq ornı boyınsha saylawdı shólkemlestiriw hám ótkeriw qárejetleriniń smetasın tastıyıqlaw máseleleri dodalanıp, tiyisli qararlar qabıl etildi.