Qaraqalpaqstan Respublikası Moynaq rayonı hákimligi

Moynaqta "Máhállede abadanlıq hám miyrim-shápáát aylıǵı" sheńberindegi ilajlar dawam etpekte. Ádettegidey búgin erte tańnan aylıq sheńberindegi jumıslardı dodalaw hám wazıypalardı belgilep alıwǵa qaratılǵan ilaj ótkerildi.

Onda rayon hákimi Baxtiyar Menglibekov abadanlastırıw hám tazalıq jumısları boyınsha qáte-kemshilikler, aldaǵı islenetuǵın jumıslarǵa toqtap ótti.

Ilaj dawamında Moynaq Toǵay xojalıǵı baslıǵı Alisher Bekmuratov "Tazalıq qorǵawshısı" kókirek nıshanı menen sıylıqlandı.

Abat máhálle - abadan turmıstıń tiykarı, tazalıq bolsa hár birimizdiń kúndelikli juwapkershiligimiz bolıp esaplanadı.