Qaraqalpaqstan Respublikası Moynaq rayonı hákimligi

Moynaq rayonında kámbaǵallıqtı qısqartıw hám xalıqtıń bántligin támiyinlew baǵdarında ámelge asırılıp atırǵan jumıslardı keń jámiyetshilikke jetkeriw maqsetinde media ilaj shólkemlestirildi. Onda ǵalaba xabar qurallarınıń wákilleri, blogerler hám taraw qánigeleri qatnastı. Ilaj dawamında juwapkerler tárepinen kámbaǵallıqtı qısqartıw baǵdarında ámelge asırılıp atırǵan reformalar, jaratılıp atırǵan imkaniyatlar hám erisilip atırǵan nátiyjeler boyınsha tolıq bayanatlar berildi. Sonday-aq, media wákillerin qızıqtırǵan sorawlarǵa hár tárepleme juwaplar berilip, ashıqtan-ashıq sóylesiw shólkemlestirildi. Ilajdıń ámeliy bóliminde qatnasıwshılar rayonda bul baǵdarda ámelge asırılıp atırǵan joybarlar, óndiris hám xızmet kórsetiw obektleriniń jumısı menen jaqınnan tanıstı. Bul bolsa kámbaǵallıqtı qısqartıw baǵdarındaǵı jumıslardıń ámeliy nátiyjeleri hám jaratılıp atırǵan jańa imkaniyatlardı tikkeley kóriw imkaniyatın beredi.