Xalq deputatları Moynaq rayonlıq Keńesiniń 37-sessiyası bolıp ótti
2026-07-10 11:55:00 / Jańalıqlar
Sessiya kún tártibine 9 másele kirgizilip, olar boyınsha deputatlar tiyisli mámleketlik uyımlar hám shólkemler basshılarınıń málimleme hám esabatların tıńladı.
https://www.youtube.com/live/LVmSjGUFHPo?si=EyV_oakA4ITD3U_w
Sessiya kún tártibine 9 másele kirgizilip, olar boyınsha deputatlar tiyisli mámleketlik uyımlar hám shólkemler basshılarınıń málimleme hám esabatların tıńladı.
Sonıń ishinde, Moynaq rayonı hákimliginde 2026-jıldıń birinshi yarım jıllıǵında nızamshılıq hújjetleriniń óz waqtında orınlanıwın támiyinlew boyınsha orınlaw tártibine ámel etiw jaǵdayı, Xalıq deputatları Moynaq rayonlıq Keńesi sessiyalarında juwapker mámleketlik uyımlar hám shólkemler basshılarınıń múrájatlar menen islesiw boyınsha esabatlardı nátiyjeli shólkemlestiriw ilajları jáne mámleketlik uyımlar hám shólkemlerde múrájatlar menen islesiw jaǵdayı kórip shıǵıldı.
Sonday-aq, Moynaq rayonı ádillik bólimi baslıǵınıń málimlemesi, rayon prokurorınıń 2026-jıldıń birinshi yarım jıllıǵında ámelge asırılǵan jumıslar haqqındaǵı esabatı, rayonlıq ishki isler bólimi baslıǵınıń huqıqbuzarlıqlardıń aldın alıw hám olardıń profilaktikası jaǵdayı boyınsha esabatı tıńlandı.
Sessiyada Ózbekstan Respublikasınıń 2024-jıl 5-avgusttaǵı ÓRN-937-sanlı "Ózbasımshalıq penen ielep alınǵan jer uchastkalarına hám olarda qurılǵan imaratlarǵa bolǵan huqıqlardı tán alıw haqqında"ǵı Nızamınıń Moynaq rayonında orınlanıwı, rayon hákimligi janındaǵı "Infrastruktura hám sociallıq turaqlılıq" qorı esabınan qarjı ajıratıw hám xalıq deputatları Moynaq rayonlıq Keńesiniń "Jaslar dápteri" qorınan qarjı ajıratıw haqqındaǵı 2026-jıl 24-iyundaǵı VII-36-63-13-187-K/26-sanlı qararınıń 1-qosımshasına ózgeris kirgiziw máseleleri de dodalandı.
Kún tártibindegi barlıq máseleler boyınsha deputatlar óz pikir-usınısların bildirip, tiyisli qararlar qabıl etti.