Bozataw APJ, Shaǵırlı awılında kóshpeli qabıllaw ótkerildi
2026-07-04 09:10:00 / Jańalıqlar
Bozataw APJnıń Shaǵırlı awılında rayon hákimi B.Menglibekov hám rayon prokurorı M.Orazbaev qatnasında kóshpeli qabıllaw ótkerildi. Qabıllaw dawamında puqaralar menen ashıq sáwbetlesiw ótkerilip, olardıń múrájat hám usınısları tıńlandı. Hár bir másele boyınsha juwapker shólkemlerge anıq wazıypalar júklendi.
💼 Sonday-aq, ilajda:
• rayondaģi bos jumis orınları;
• jumıssız puqaralar ushın jaratılıp atırǵan imkaniyatlar;
• jeńilletilgen kreditler, ssudalar hám subsidiyalar haqqında tolıq maǵlıwmat berildi.
🤝️"Sociallıq qollap-quwatlawdıń birden-bir reestri" hámde "Kámbaǵal shańaraq" dizimine kirgizilgen shańaraqlar wákillerine joqarı dáramatlı bos jumıs orınları usınıs etildi.
⚖️ Rayon prokurorı máhálledegi jınayatshılıq jaǵdayın tallap, júz berip atırǵan huqıqbuzarlıqlardıń sebepleri haqqında toqtap ótti. Sonday-aq, puqaralardı kiberjınayatlarǵa aldanbawǵa, internettegi aldawshılıqlarǵa sergek bolıwǵa shaqırdı.