Media názerinde Moynaq: energiya, infrastruktura hám jańa imkaniyatlar
2026-06-26 15:55:00 / Jańalıqlar
Jańa Ózbekstannıń rawajlanıw strategiyasınıń jeti tiykarǵı baǵdarınan kelip shıǵıp, búgin Moynaq rayonında ekonomikanı elektr energiyası menen úzliksiz támiyinlew, "jasıl ekonomika" texnologiyaların keńnen engiziw hám energiya nátiyjeliligin 20 procentke arttırıwǵa qaratılǵan joybarlar boyınsha media-tur shólkemlestirildi.
Ilajda ǴXQ wákilleri, blogerler hám vinerler qatnasıp, aymaqta ámelge asırılıp atırǵan dóretiwshilik jumısları menen jaqınnan tanıstı.
Media-tur dawamında qatnasıwshılarǵa suw támiynatı sistemasında qurılıp atırǵan jańa obektler hám alıp barılıp atırǵan qurılıs jumısları da kórsetildi. Ashıqtan-ashıq sóylesiw ruwxında ótken press-tur dawamında juwapkerler tárepinen barlıq sorawlarǵa tolıq juwap berildi.
Moynaq búgin tek ǵana ekologiyalıq tikleniw emes, al energiyanı únemlew, zamanagóy infrastruktura hám turaqlı rawajlanıwǵa qaray isenimli qádem taslamaqta.