Itibar hám xoshametlew - taraw pidayılarına!
2026-06-29 17:35:00 / Jańalıqlar
Búgin Moynaq rayonı hákimi Baxtiyar Menglibekov 27-iyun - Baspasóz hám ǵalaba xabar quralları xızmetkerleri kúni múnásibeti menen taraw wákilleri menen ushırastı. Ushırasıw dawamında ǵalaba xabar qurallarınıń jámiyetlik turmıstaǵı ornı, ashıq-aydınlıqtı támiyinlewdegi áhmiyeti hám ǴXQ wákilleri menen nátiyjeli birge islesiw máselelerine ayrıqsha toqtap ótildi.
Sonday-aq, ilaj sheńberinde "Sońǵı jıllarda hám 2026-jılda Moynaq rayonında ámelge asırılıp atırǵan qurılıs, abadanlastırıw" atamasında baspasóz konferenciyası shólkemlestirilip, jurnalist hám blogerlerdiń sorawlarına tolıq juwap berildi.
Ilaj sońında Moynaq rayonında ǵalaba xabar qurallarınıń rawajlanıwına múnásip úles qosıp kiyatırǵan taraw veteranları, respublikalıq hám rayonlıq ǴXQ xızmetkerleri, televidenie wákilleri jáne sociallıq tarmaqlarda jámiyetshilik penen nátiyjeli pikirlesiw alıp barıp atırǵan kontent jaratıwshılar hám blogerler rayon hákiminiń minnetdarshılıq xatı hám estelik sawǵası menen sıylıqlandı.